點津宮

香港民主變質民霸

  今時今日嘅香港表面風光內裡頹廢,好似貧富懸殊越來越趨嚴重、普羅市民越來越難揾食、越來越多困入劏房嘅人要咬實牙根節衣縮食、青少年完全睇唔到幾時有美好嘅將來等好多問題,除咗與前朝貪曾只掛住盡力去貪而不為特區做啲好嘢而且仲埋落咗好多殺傷力強嘅炸彈有直接關聯之外,亦直接與前朝甚至前前朝嘅貪官進行官商勾結利益輸送以及庸官唔識做嘢甚至亂咁搞嘢有關。然而,大家是否有醒覺到,原來最大嘅問題乃出自於「泛民撲街」身上,如果想知道點解就請一齊細心往下分析啦!

  照道理講,香港嘅政制架構相當唔錯,好似政府嘅施政必須要受到議員們嘅監察,以確保政府喺施政上嘅合情合理。喺呢種情况之下,議員們就完全有責任去監督好政府嘅各項施政。如果所有嘅議員都能够大公無私、真心為港為民,能够真正依法辦事,能够盡力去完善喺施政上嘅各項具體運作機制法制來堵塞住貪官有法律罅走而唔受監管嘅漏洞,試問貪曾亂港、官商勾結以及庸才帮倒忙嘅事件會唔會發生得咁犀利?

  本來,響全世界每個地方都多多少少會出現官商勾結貪腐不公嘅現象,咁樣喺香港就應該話呢班泛民議員真係有好大嘅存在價值。由於佢哋由朝到晚都喺度大嗌「民主」,成日都係以「香港民主救世主」嘅姿態出現,因此很多市民有理由有信心相信,佢哋嗌得咁大聲咁口響,點都不會辜負市民們所寄予嘅厚望,一定會真心為市民做返啲好嘢出來,一定會加大力度去做出避免或减少官商勾結嘅好戲來,以確保政府能够公平合理咁施好政,以確保特區可以更加繁榮進步。

  但事實呢,卻係事與愿違,呢班「泛民撲街」嘅言行舉止所作所為唔單止令人失望,直情令人反感!
  大家有眼睇到,佢哋長期以來總係不務正業,只係識得反中亂港,為反對而反對,惟恐天下不亂,成日煽風點火鼓動啲人上街遊行,直情係有破壞無建設。亦正係「佢哋不務正業,成日響街度撲來撲去」在市民的腦中心中已經深深嘅打上了揮之不去嘅烙印,形成好多人只要講起佢哋或者諗到佢哋就一定會響腦中好真實咁浮現出「佢哋撲來撲去響街度」嘅動感畫面來,是故佢哋被冠以「泛民撲街」嘅光榮稱號實當之無愧、無得推搪!
  為此,筆者還專程勞煩咗姓名學大師,要佢即刻為呢班「泛民撲街」度身定做,整幾個勁啲嘅「大名」出來,等佢哋以後個個都有個襯身啲嘅靚名叫:

  1. 成日惟恐天下不亂、鍾意搞搞震嘅,叫做「搞屎棍」。
  2. 有政治陰謀、損害特區港人利益而搞搞震嘅,叫做「政棍」。
  3. 以「民主」自居、成日只有自己講冇人哋講嘅,叫做「民霸」。
  4. 無存在價值嘅,叫做「垃圾」。
    (垃圾還可以被回收再用都叫做有啲價值,但呢班渣滓「垃圾」跟本就不能再被回收再用,亦即係已經「救不返」,因此佢哋嘅真正全名係「垃圾中嘅垃圾」或「渣滓中嘅渣滓」。)

  講返頭先啲正題,喺特首梁振英想民所想急民所急推出老人津貼時,佢哋故意刁難、百般阻撓嘅走法例罅無限拉布,蓄意阻礙特區政府嘅施政進度,令好多要趕住處理嘅議題被擱置,難道呢啲唔係「唔顧特區嘅榮枯與港人嘅利益、狠心到唔理老人家死活」嘅不務正業、惟恐天下不亂咩?更乞人憎嘅係,佢哋無耻到將「老人津貼未能被通過」嘅責任全部推響政府身上,簡直係顛倒是非,混淆黑白,直頭唔係人來架!
  仲有,佢哋喺貪曾以及前朝官員嘅官商勾結貪腐事件上,唔去追根究底追究大是大非問題,卻反過來喺梁振英先生住宅潛建嘅問題上小題大作,誓要拉下真心為香港市民做嘢嘅特首先肯罷休。咁樣做唔通唔係轉移視線俾貪曾有多啲機會過骨走甩嘅「放生豺狼揀殺綿羊」嘅惟恐天下不亂咩?
  嘿!講句真,香港之所以有急轉直下嘅大倒退,真係「多得你哋呢班泛民撲街不少」!

  呢班披着羊皮的「泛民撲街」豺狼,成日總係鍾意開口埋口講「民主」,但如果真係將「民主真身」請出來嘅話,喺真正嘅「民主」照妖鏡面前照一照,呢班「泛民撲街」一定會原形畢露、無地自容,即時露出「民霸」嘅猙獰面目和豺狼尾巴來。

  首先,我哋温習吓乜嘢係民主?
  響字面意義度講,民主係人民當家作主。
  響哲學名詞度講,民主係指人民有參與國事嘅權利,對國事有自由發表意見嘅權利。

  其次,我哋要明白到民主嘅正確運作規則。
  如果喺十個人之中有四種不同嘅意見出現,但最後卻只能採用其中嘅一種意見,這時唯一嘅抉擇方法就只能係以「少數服從多數」為準則了。
  那麼,民主嘅運作規則一定係:
  少數服從多數,個人服從整體。

  例如,響港府立法會嘅議事堂上,雖然議員們對於有關法例持有不同意見,但最終都一定係響「少數服從多數」嘅民主運作規則下以大比數贊成嘅投票結果來令法例通過,個人乃至少數人一定要尊重以及服從大多數。

  之但係,呢班「泛民撲街」表面講一套實際則另外做一套,成日都違反民主運作規則,梗係唔願以少數服從多數,特別梁國雄、黄毓民和陳偉業呢三條「民霸撲街」更係咁Q樣:
  知道自己一小撮少數會輸嘅就輸打贏要進行拉布。
  響即將會輸或已經輸咗時就變咗成隻顛狗咁大吵大鬧亂咁吠。
  動不動就煽動啲人上街遊行,然後再強詞奪理嘅將一小撮人嘅聲音亂咁夸張作大,作到「係全港幾十萬市民幾百萬市民嘅反對聲音、民情民意」咁大,真係無理取鬧,無耻到極。  

  事實上,佢哋嘅言行舉止所作所為已經好明顯咁話俾全香港嘅市民知,佢哋成日所界定嘅「要聽我講」嘅所謂「民主」標準完全只係佢哋為自己個人度身定做出來嘅惡霸標準:
  只有「多數服從少數或個人」嘅先至係「民主」。
  而呢種「民主」嘅最高標準必定係「你哋一定要順我意、服從我」!

  呢啲完全唔係老作,而係我啲成日都可以睇到嘅事實,其中就有:
  響泛民陣營中,佢哋個個都係「總之你哋要聽我講、你哋要按照我嘅旨意行」嘅大惡霸大惡爺,凡事都係「我一定對,你一定錯」,「我一定唔會跟你,但你一定要跟我」!所以佢哋個個都係「假民主真霸道」嘅「民主惡霸」大阿哥就令到佢哋經常性咁上演鬧劇,喺意見唔合時就各不相讓、狗咬狗骨、甚至分手各行各路。
  呢班「泛民撲街」連響自己嘅陣營入邊都搞不掂「民主」呢家嘢,試問仲有乜鬼嘢資格出來大義凜然地講「民主」呢?

  你吔話啦,呢種「要多數人去跟住某個人嘅意願行或者要多數人去跟住一小撮人嘅意願行,以及強行擄刧民意扭曲民情」嘅霸道行為,已經成為咗佢哋一小撮人獨霸嘅「神聖不可侵範專利」,試問呢啲唔係「民霸」惡爺嘅所作所為,咁又係乜嘢呢?
  所以,今時今日成日都撲響街度搖旗吶喊嘅煽情鬥士,佢哋嘅所作所為究竟係「民主」定係「民霸」,相信香港特區嘅廣大市民眼睛雪亮,心中有數。
  民主亚婆嘅沉淪沒落就證明咗香港市民嘅眼晴最終都係雪亮的!

  如果全香港嘅市民都咁冇理性,都有樣學樣咁出來學埋呢班「民霸撲街」嘅無理取鬧,完全唔遵守民主嘅運作規則,成日搞搞震鬧事,你話香港將會變成乜嘢港呢?

  大家試吓回憶取證,或者心水會變得清啲:
  我哋可以好似睇錄影帶咁將盒帶回帶到由九七回歸時睇起,就係因為有咗呢班「泛民撲街」響度搞搞震,不務正業,煽動民情,反中亂港,破壞安定,阻礙施政,倒市民米,先至會搞到今時今日嘅香港咁爛!
  以前嘅香港之所以咁繁榮昌盛,大家都可以安居樂業心情靚,唔係完全靠晒港英政府搞得叻,而係當時根本就唔見有好似呢班「泛民撲街」咁惡的惡霸喺度撩是鬥非,阻頭阻勢,因此政府可以專心投入施政,可以按部就班施政,可以順暢有效施政,呢個重點大家一定要搞清楚。
  由此可以令人心生疑惑,點解呢班「泛民撲街」係九七回歸前俾英國殖民统治時冇咁落力去反殖民统治,而家卻出盡全力來反中亂港呢?
  所以,時至今日,成個香港真係「俾呢班泛民撲街搞死」!

  喺度值得一提嘅係,呢班「搞屎棍」要搞亂檔就自己一小撮人去搞算啦,因為「自由港可以自由講嘛」,要顛就自己班人去顛個够,實唔應該將大多數嘅沉默市民亂咁拖落水。明明喺遊行時只得一萬幾千人,佢哋卻講大話唔眨眼咁作大到有十萬八萬人之多,搞到好似真係有很多很多嘅香港市民行出來撑佢哋反對政府咁,成日都喺度作大民意、誤導大眾。

  喺度,筆者與大多數沉默咗好耐嘅市民要話俾呢班「垃圾政棍」聽:
  你哋成日喺度猛咁狂咬唔放狂吠唔停嘅都只係属於你哋自己嘅個人偏見廢嗡而已(雖然有少數人附和),完全唔代表香港特區絕大多數市民嘅意願意見,最起碼唔代表我嘅個人意願意見,唔代表我眾多親朋戚友嘅意願意見!
  我哋大多數理智嘅市民都希望俾啲時間梁振英先生,等佢可以專心帶領團隊為特區做啲好嘢,因此喺忍無可忍的情况之下就一定要亳不猶豫咁站出來出聲,即時同你吔呢班「撲街垃圾」劃清界線!
  你哋呢班「民霸撲街」以後千祈唔好再無耻咁強行擄劫民意,你係你,我係我,大家互不相干!

  做為一個普通市民嘅我,有時會冷靜下來思考一啲「平時疏忽咗的問題」:
  第一,「泛民撲街」為香港人做過啲乜嘢好嘢呢?  (只有衰嘢一籮籮。)
  第二,點解佢哋會對香港有破壞而冇建設呢?   (冇可能冇原因的。)
  第三,點解佢哋會逢中必反呢?         (背後肯定有秘密。)
  第四,佢哋嘅心究竟是要令香港好或令香港亂呢? (看其行為可知之。)
  第五,是否背後有反華勢力在為佢哋撑腰指使呢? (已經超出可能性。)
  第六,佢哋係唔係暗中受資助而賣港求榮呢?   (無其它合理解釋。)

  如果市民們可以冷靜下來細心觀察,理智深思,透析利弊,唔俾表面假象所蒙蔽,唔俾扭曲煽情所鼓動,唔俾別有用心嘅亂港傳媒所誤導,唔將俾貪曾激起咗嘅憤怒情緒投射喺梁振英身上,唔將前朝遺留落來嘅「蘇州屎」入埋呢屆新政府數,相信一定會不值泛民所為,響下一輪投票選舉時能够齊心合力踢走呢班搞亂檔嘅垃圾政棍,盡快撥亂反正,令特區呈現出安定和諧繁榮進步嘅景象來,從而再創香港輝煌,這將是特區之福、港人之福以及將來嘅子孫之福!

選民們,喺下一輪嘅選舉投票時:
小心投票,
一失手易成千古恨!
勇躍投票,
齊揮拳趕走搞屎棍!

譚  倫
二零一三年一月一日